Sabatu u 10 d’ottobre di u 2026, a Casa di e Lingue accoglierà una ghjustra di scacchi à u Spaziu Sant’Anghjuli, in Bastia. A ghjustra hè aperta à tutti è l’iscrizzione sò gratisi. Zitelli, adulescenti è maiò si puderanu ritruvà per sparte u piacè di ghjucà inseme.

Urganizata da a Lega Corsa di Scacchi, in partenariatu cù a Casa di e Lingue, Pratingua Lingua, u Corsica Chess Club è a Cità di Bastia, sta manifestazione hà per scopu di prumove u bislinguisimu è di valurizà a lingua corsa à traversu u ghjocu di scacchi.
I participanti ghjucheranu sette partite à a cadenza di 5 minuti, cù 3 seconde in più à ogni colpu. Cupe è premii ricumpenseranu i ghjucadori secondu e diverse categurie.

Infurmazione pratica

- Locu : Casa di e Lingue – Spaziu Sant’Anghjuli, Bastia
- Data : sabatu u 10 d’ottobre di u 2026
- Iscrizzione gratisi nant’à u locu : da 1 ora è mezu à 2 ore
- Prima partita : 2 ore è quartu
- Cadenza : 7 partite di 5 minuti + 3 seconde à ogni colpu
- Rimessa di i premii : 6 ore di sera
- Infurmazione : corse-echecs@orange.fr

Una bella occasione per ritruvassi intornu à e scacchere è per fà campà a lingua corsa in un ambiente amichevule !